Pages

من أنا

صورتي
..( محمد أبووردة ).. قلم حر يحب بلده ووطنه ويتمني الخير له مهما حدث له به يخشي عليه من الذل والانكسار يعشق الحرية ويحلم أن يرفرف في سمائها

اضف اهداء

أضف " قلم حر " إلي مدونتك

اسرة مع بعضينا

تحدث معي مباشرة

الساعة كام دلوقتي ؟




زواري حبايبي

المتواجدون الآن

النهارده ايه ؟؟

plz, call me



كتير أنا كنت بحلم

بحلم إني طاير

طاير فوق السحاب

كل اللي حواليا أبيض

أبيض قوي

و كله كاتبه في الكتاب

,,,,,

كنت بحلم إني أمير

طاير عالي فوق الناس

فيها حاجات آة مش كتير

بس أحلي ما فيها الاحساس

,,,,,

كنت حاسس إني ممكن ابعد بعيــــــــد

و أقعد لوحدي

كنت شايف إن فيا حاجات كتيــــــــــر

تخليني أعيش براحتي

,,,,,

كنت فاهم إن الحياة سهلة

و بسيطة

و إن كل اللي بتحلم بيه

في يوم هيتحقق

كنت عايش حلم واسع أبيض جميل

فجأة لاقيت الحلم دة بيتشقق

،،،

بيـــن الشقوق لاقيت سواد عمال بيكتر

و أنا كنت بسأل

هوه إيه إللي جرى؟

جمب سواد أنا كنت قاعد

كل ما يقرب أناْ أبعد

و أقعد أقول

إيه السبب يا هل ترى؟

,,,,,

صحيت في يوم بصيت لاقيت الحلم أسود

جواه نقط

فيها بياض

حاولت اجمع النقط ..

واحوط عليها

بس السواد عمال بياكل

زي الجراد

,,,,,

كنت بصرخ بعلو الصوت

حد يساعدني

بس اكتشفت اني كنت وحدي

بالظبط زي ما كنت بحلم

و زاد السواااااد

اااااااااااااااااااااااه

زاد السواد

منا كنت بحلم.....

صحيت لاقيت الحلم الابيض ....

بقة كله اسود...

وكنت وحدي


زيارتك لنا تسرنا وتعليقك يسعدنا فشاركنا ولا تقرأ وترحل دون أن تترك بصمتك (نشرات rss)

4 التعليقات:

فركشاوي ..ناوي يقول...

بسم الله الرحمن الرحيم
السلام عليكم ورحمه الله وبركاته
الحلم أبيض حتي النهايه ..
طول ما كانت بيضا صفحه البدايه .
بسم الله إبدأ ...
وألتمس منه الهدايه .

غير معرف يقول...

كتير مننا بيحلم ونرسم احلام في احلام

وبنيصحي علي وهم ودة بيبقي اصعب شئ

بس بأيدينا نخلي الاحلام حقيقة بس نحاول علي قد ما

نقدر وان شاء الله ربنا يحقق لنا كل اللي بنحلم به

وفعلا المشكلة بتكون اننا بنكون لوحدنا في الاخر

كلمات رائعة جدا

التمست قلبي

وكأنك تتحدث عني اخي محمد

بالتوفيق أخي ان شاء الله

اختك

مــرام

نور الدرب يقول...

يارب فعلا يكون الحلم أبيض يا فركشاوي
وان شاء الله نسعد في الدنيا كلنا
وفي الاخرة ان شاء الله
جزاكم الله خيرا يا حبيبي
علي التعليق

نور الدرب يقول...

جزاكم الله خيرا مرام
وبالتوفيق لكي اولا
وان شاء الله تحققي كل احلامك
بس لازم نبدأ
وناخد خطوة ايجابية
وننسي موضوع الوحدة ده زي ما انا عملت
لان الاحساس ده فعلا لو استمر معانا
هيحسسنا دايما بالفشل
ومش هنقدر نحقق اي حاجة

استطلاع رأى

صوت مصر

أنا حر

فى قلوبنا حى يا شهيد

من درر الكلام

حرية وعدالة

الحكاية من البداية

كان لازم نثور

الحرية لشرفاء الوطن

الحرية لشرفاء الوطن