قلم حر

تسكين المدينة

طبعا البداية
انك بتاخد اخطار يعرفك انت هتسكن ولا لأ
وطبعا انا كنت جاي من بيتنا عامل حسابي اني مش هسكن
كده كده انا مستبعد
وطبعا منتظر اشوف بالمرة اسمي هيتنادي ولا لأ
المهم معظم طلاب القسم بتاعي اللي جايبين تقدير المدينة سكنوا
وانا لسة
قلت خلاص
ولسة همشي
لقيته بينادي اسمي
كل الناس استغربت ازاي
وطبعا الف مبروك وتسليم من الناحية دي ومن الناحية دي
طبعا انا ما كنتش متخيل خالص اني هسكن
المهم الحمد لله اخدة الورقة ورحت عشان اعمل الكشف الطبي
طبعا زحمة رهيبة
وخناقات بين الطلبة وبعضها
المهم بعد زهق الدكتور كلف طالب يلم له كل الاوراق من الطلبة
ويوديهم له
المهم الناس كلها ادته الطالب ده الورق
وسبحان الله انا كنت اخر ورقة اديتهاله
ورحت بقي منتظر اسمع اسمي عشان اكشف
قلت ما بدهاش بقي
نقعد ولا ننام لحد ما ينادي الاسم
اصل الموضوع شكله هيطول
المهم شبحان الله الراجل شكله كان بيجيب من الاخر
لسة بقد لقيت اسمي بيتنادي
قلت الحمد لله
رحت كشفت ورحت بقي عشان ادفع الفلوس
وهناك بقي زحمة رهيبة
المهم كان فيه سلم حديد
كده الطالب بيطلع عيه عشان يدفع وكده من الشباك
المهم كانوا عاملين صفين علي السلم ده
وانا زاحمت بين الطلاب
لحد ما كان فاضل 2 قدامي
افوجئ ان الضابط بينزلني
اه يابن الـ ......... تييييييييييييييت ..........
المهم انا شديت معاه
اوي وزعيق من هنا ومن هنا
وهوا يقولي انت بالذات مش هتدفع دلوقتي
فأنا بقي اتغظت ازاي
قمت رادد عليه
والله لازم أدفع حالا
وهنشوف انا ولا انت
وغصب عنك هدفع حالا
المهم
احنا بندفع ازاي
كل 4 طلاب مع بعض بيجمعوا ورقهم ويقدموا الفلوس مرة واحدة
ووقتها كان فيه واحد صحبي قدام الشباك علي طول
ومحتاج واحد معاه
عشان يكونوا 4
فأنا قمت جاي مديله الورق والفلوس
وقلت للضابط شفت كلام مين اللي مشي
طبعا كان عايز ينزل الواد صحبي ده وميدفعش هو كمان
ساعتها بقي الطلبة كلها قامت عليه وزعقت
فسكت
والموضوع مشي زي الفل وكلام الطلاب مشي

بعد كده رحت عشان اكمل اجراءات التسكين
طبعا كالعادة
طابور طويل عريض
وزحمة مووووووووووت

واللي يغيظك أكتر وأكتر
ان الموظف كل شوية يقفل الشباك ويقولك هستريح شوية
اه يا ابن الـ .............. تييييييييييييت ............
يستريح من ايه مش عارف
احنا طالع عين اهلنا في الشمس ومتبهدلين
وهوا قاعد في تكييف ومظبط حاله
يستريح من ايه بقي مش عارف
يمكن يكون من ماسكة القلم ؟
جايز
المهم الحمد لله وصلت الي اشباك بعد عناء طويل
والكلام كان الساعة 5 ونص المغرب
بعد ما خلاص
جبت اخر
وطلع عيني ومكنتش قادر اشيل نفسي
الحمد لله استلمت الاوضة انا وصحابي
الساعة 7 العشا
الحمد لله
قلت بقي هنسريح
طلعنا نشوف الاوضة
وياريتنا ما شفناها
مكان بالفعل
لا يليق بالـ .........
واسيبكوا انتوا تتخيلوا الاوضة كانت عاملة ازاي

وكفاية كده النهاردة
بجد كان يوم غير عاااااااااااااادي

زيارتك لنا تسرنا وتعليقك يسعدنا فشاركنا ولا تقرأ وترحل دون أن تترك بصمتك (نشرات rss)